Nawhas en texte - Aa gaye aa gaye Abbas as - Nawhas et Qassidas en texte

Rechercher
Aller au contenu

Menu principal :

Nawhas > Nawhas en texte - A

Nawhas en texte

 

Aa Gaye Aa Gaye Abbas a.s - Zia Abbas 2012

Run Ki Hamwar Zameen haone lagi Zer-o-Zabar
Sub Ke Chehron Pe Nazar Aane Laga Mot Ka Dar
Soor Maon Ke Liye Band Hoi Rah-e-Mafar
Shor Dariya Pe Hoa Aa Gaya haider Ka pisar
Sub Ne Chilla Ke Kaha Bhaag Chalo Bhag Chlao
Tal Nahin Sakti Bala Bhaag Chalo Bhaag Chalo

Aa Gaye Aa Gaye Abbas-e-Alamdar Suno
Aa Gaye Aa Gaye Abbas-e-Alamdar Suno

Lashkari Samjhe Ke Hein haider-e-Karrar Suno
Aa Gaye Aa Agye Abbas-e-Alamdar Suno

kon aya hai idhar misl-e-ali a.s
foj darya se hati bhaag gaye
har taraf baat yeh hi hone lagi
aaj to gaiz mein hai sher-e-jari
Hashr utthe ga abhi waqt ki lalkar suno
aa gaye aa gaye abbas-e-alamdar suno

bach ke in se koi jaye ga kahan
mil nahin sakti zameen par to aman
khouf se larze mein hai donon jahan
chor kar jane lagi jism ko jan
dam badam garm hoa mout ka bazaar suno
aa gaye aa gaye abbas-e-alamdar suno

ab badal jaye ga andaz-e-wigha
mout bante ga wafaon ka khuda
asmanon se yeh aye gi sada
bar zameen hashr hoa hai barpa
mail-e-qahr hoa mazhar-e-qahaar suno
aa gaye aa gaye abbas-e-alamdar suno

al-aman kehne lage jinn-o-bashar
zindagi aaj idhar hai na udhar
dasht mein mout ka jari hai safar
khud ba khud simte hein jabreel a.s ke par
aaj abbas a.s ka neza hoa talwar suno
aa gaye aa gaye abbas-e-alamdar suno

ruk gaye behti hoi nehr-e-furaat
chaa gaye chera-e-khursheed pe raat
tham nahin pai saron ki barsaat
malakul ,out ne banti soughaat
ek ishare mein qayamat hoi bedar suno
aa gaye aa gaye abbas-e-alamdar suno

aaj medan mein lahoo barse ga
rooh nikle gi badan tarpe ga
saans lene ko bashar tarse ga
ghazi haider ka bharam rakhe ga
farq-e-abbas pe hai haidari dastaar suno
aa gaye aa gaye abbas-e-alamdar suno

kab kisi ne kahin rasta roka
al-gharaz neher pe ghazi pohncha
aur mashkeeza sakina s.a ka bhara
yaas se phir soye khema dekha
dheemi khud parne lagi waqt ki raftaar suno
aa gaye aa gaye abbas-e-alamdar suno

tanha ghazi se koi lar nahin paya run mein
ghazi ko lakhon sitam garon ne roka run mein
charon atraaf se hone laga hamla run meim
har taraf phail gaya mout ka saya run mein
ghir gaya run mein woh piyason ka madadgar suno
aa gaye aa gaye abbas-e-alamdar suno

nirghe mein aa gaya zehra s.a ka pisar
yak ba yak chalne lage teer-o-tabar
gurz ki zarb se zakhmi hoa sar
aur dhundla gaye gazi a.s ki nazar
dagmagane laga rehwar pe jarrar suno
aa gaye aa gaye abbas-e-alamdar suno

mashk pe teer-e-sitam aa ke laga
saath hi chid gaya ghazi a.s ka gala
dosh pe rakha alam ruk na saka
aur mashkeeze ka pani bhi baha
bar sar-e-dasht gira sani-e-jarrar suno
aa gaye aa gaye abbas-e-alamdar suno

zakhmi zaigham ne ba-sad yaas kaha
kese jaon ga soye khema bhala
muntazir us ke hein sub aal-e-aba
pani layen ge sakina s.a ke chacha
koshishen meri sabhi ho gayen bekar suno
aa gaye aa gaye abbas-e-alamdar suno

jan balab thi jo sakina s.a piyasi
piyase bachon se yeh ro kar boli
khair se ayen mere ammon abhi
pani un se nahin mangoon gi kabhi
kahatm ho jaye sar-e-dasht yeh pekaar suno
aa gaye aa gaye abbas-e-alamdar suno

noha khwan ho ga zamane mein zia
har taraf se yeh hi aye gi sada
chashm-e-akhtar se lahoo behne laga
ro ke karte hein sabhi log buka
lo gaya soye jinan shah a.s ka ghamkhwar suno
aa gaye aa gaye abbas-e-alamdar suno


Noha Khwan : Zia Abbas
Kalam : Ustaad Faheem Akhtar
Proposé par Laila Salam


Site islamique en Français et Gujarati

pour toutes les personnes assoiffés de savoir.

Cours et Activités de Madressa

 
 

shia974.fr  -   shia974.com  -   Copyright © 2018   -   Tous droits réservés

GO
Retourner au contenu | Retourner au menu